Во изминатите петнаесет години образовните, научно-истражувачките и апликативните активности на Земјоделскиот факултет при Универзитет „Гоце Делчев“ од Штип, дадоа голем придонес за развој на земјоделскиот сектор во Република Северна Македонија и поширокиот регион.
Земјоделскиот факултет го организира III-то Mеѓународно научно-стручно советување Агро-наука и пракса (АПС 2023), давајќи им можност на учесниците да презентираат и дискутираат за оригинални научни и практични резултати во различни полиња на земјоделството.
III-то Меѓународно научно-стручно советување Агро-наука и пракса (АПС 2023) е организирано со намера да ги обедини сите релевантни фактори од земјоделскиот сектор за споделување на нивното знаење, искуство и проблеми. Една од главните цели е да се направи мост и да се овозможи силна комуникација помеѓу научно-истражувачката и практичната работа во земјоделскиот сектор, како во нашата земја, регионот, така и поширко, со што ќе се добие меѓународна димензија.
Главна цел на Советувањето е да се поврзат и промовираат научните достигнувања и практичните знаења во актуелните тематски области.
Формулар за регистрација и апстракт(.docx)
III МЕЃУНАРОДНО НАУЧНО-СТРУЧНО СОВЕТУВАЊЕ АГРО-НАУКА И ПРАКСА(.pdf)
Со голема чест и задоволство Ве покануваме активно да учествувате на Советувањето.