Продолжуваат теренските активности предвидени за студентите на прв циклус студии. На ден 24 октомври студентите од VII семестар на студиската програма Поледелство, во рамките на теренската настава по предметот Основи на поледелството, имаа можност да го посетат земјоделскиот комбинат во Овче Поле, (Полјоделство - Ерџелија).

Она што беше тема на теренската настава на површините се изведуваше сеидба на есенски јачмен во екстремно суви услови.

Студентите имаа можност да се запознаат со технологијата на сеидба на есенски јачмен без претходна обработка на почвата по прибирањето на претходната култура (во случајот сончоглед).

На земјоделските површини во нашата држава првпат се применува ваква технологија на сеидба без претходна обработка на почвата.

Агрономот одговорен за сеидбата им ги објасни на студентите предностите на оваа технологија и детално ги запозна со карактеристиките на оваа специфична сеалка. Исто така, на површината каде што тогаш работеше сеалката, дипл. инж. агроном Зоран Голубов на студентите им го објасни и начинот на регулација на нормите на семе и ѓубриво кај оваа сеалка.