Фирмата „BIMFOOD” д.o.o. во Прилеп, како еден од лидерите за собирање, преработка, пакување и дистрибуција на печурки и останати шумски плодови во реонот, на особено задоволство на Земјоделскиот факултет нуди можност за нашите студенти да посетуваат практична настава која ќе биде платена, како и продолжена сезонска работа.

За таа цел претставник од „BIMFOOD” д.o.o. одржа презентација пред студентите на Земјоделски факултет од Наставен центар Прилеп за можностите и условите што ги нуди фирмата.
На презентацијата беа споделени информации за нашите студенти за целиот процес во фирмата, сѐ што може да се види и научи во периодот што следува (од јуни додека трае сезоната до месец ноември).

Се надеваме на интерес од страна на студентите, но и поттик за други фирми кои имаат потреба од млади луѓе со кои ќе го споделат нивното искуство и пракса, а воедно и ќе имаат бенефит од можеби нивните идни вработени слободно да нѐ контактираат во наставните центри или оставените контакт информации.