Во рамките на курсот Фитопатологија кај проф. д-р Саша Митрев за студентите во Наставен центар - Штип, визитинг професор Радивоје Јевтиќ од Институтот за полјоделство и градинарство во Нови Сад одржа предавање на тема „Болести кај житните култури“.
Проф. д-р Јевтиќ им даде детално објаснување за најчестите болести кои се јавуваат кај житните култури, сортите на жита кои произлегуваат од Институтот, како и отпорноста на културите спрема патогените.
Овие предавања, како и организацијата на практична теренска настава во нашата земја и надвор од неа се организираат секоја година за студентите на Земјоделски факултет, за да можат да го прошират своето знаење и да стекнат искуства и пракса во соодветната област.
