Теренска настава и посета на различни производни капацитети и преработувачки компании, со цел практичната настава да се доближи до студентите на Земјоделски факултет, продолжува и понатаму.

Практична настава  по предметот процесна техника, под менторство на проф. д-р Ристо Кукутанов, беше организирана за студентите од Наставен центар Кавадарци во винарска визба и ладилник во Фирмата „Гоце Делчев“ Кавадарци.

Пред студентите беше презентирана производната технологија во Фирмата „Гоце Делчев“ Кавадарци.

Практичната настава продолжува и понатаму во наставните центри каде што е активен Земјоделскиот факултет, затоа што сепак најсреќни и задоволни млади лица има кога теоријата се спои со пракса, и кога целото стекнато теоретско знаење студентите имаат можност директно да го видат на терен, и да го најдат понатаму своето место и вработување на пазарот на трудот.