Проф. д-р Сања Костадиновиќ-Величковска од Земјоделски факултет и проф. д-р Емилија Митрева од Економски факултет при Универзитет „Гоце Делчев“ - Штип учествуваа со усна презентација со наслов „Functional wine: when science meets bioeconomy and creates health lifestyle“.

Целта на оваа презентација беше да се претстават можностите на Универзитетот „Гоце Делчев“ да се вмрежи со други универзитети од алијансата ACE²-EU. Презентацијата беше претставена на „Discovery Mission, ACEploration session no. 2“, организирана од „ACE²-EU Alliance“, одржана во периодот 3-4 јули во Сантарем, Португалија.

Посебен акцент беше ставен на биоекономија и екстракција на биоактивни компоненти од отпадот. Присутните пројавија значителен интерес за презентацијата и успешно се вмреживме со Instituto Politécnico de Santarém, Португалија и Universidad Francisco de Vitoria во Мадрид, Шпанија.

Идните истражувања со овие два универзитети ќе придонесат за проширување на мрежата на алијансата и можност за вклучување на нови учесници од Универзитетот „Гоце Делчев“ - Штип.