Во периодот од 10 март до 6 јуни, деветта група на студенти од Хемиското училиште во Пардубице, Р. Чешка, успешно ја реализираа својата тримесечна практична настава во УНИЛАБ лабораторијата на Земјоделски факултет.

УНИЛАБ е опремена со современа лабораториска опрема која овозможува анализи на високо ниво, според меѓународни стандарди, како што се ISO 17025. Ова ја поставува лабораторијата на ниво на акредитирана лабораторија за тестирање на вода, почва, ѓубрива, биостимулатори, растителен материјал, храна, пијалаци и други суровини. Со тоа се обезбедува висока квалитетна контрола на резултатите, што е од витално значење за научните истражувања, сертификација на земјоделски производи и имплементација на најновите агрономски технологии.

Тримесечниот студиски престој им овозможи на студентите многу лабораториски анализи, теренска пракса, конференции, дружење и многу пријателства, кои ќе бидат само дел од спомените запишани со групата на студенти.