Во периодот од 7 до 11 мај 2025 г., студентите на Земјоделски факултет учествуваа на 62. Традиционална манифестација „Агрономијада“, со научен и спортски карактер.
Преку учеството на нашите студенти во предвидените активности за оваа година на „Агрономијадата“, покрај во спортскиот дел, студентите особено се истакнаа во квизовите на знаења и презентација на научни трудови, што им донесе неколку дипломи.
Пласман во квизовите на знаења за:
- Стефанија Костова, студентка во втора година, натпревар во квиз на знаење од областа на градинарството, освоено 3. место;
- Сандра Георгиева, студентка во трета година, натпревар во квиз на знаење од областа на сточарството, освоено 3. место.
За презентација на научните трудови:
- Афродита Волческа, студентка во четврта година, презентација на научен труд под менторство на проф. д-р Емилија Арсов, во областа на лозарството (заштита на виновата лоза), освоено 1. место;
- Сара Здравеска, студентка во втора година, презентација на научен труд под менторство на проф. д-р Димитар Наков, во областа на сточарското производство, освоено 2. место;
- Стефан Михаилов, студент на втор циклус студии, презентација на научен труд под менторство на проф. д-р Емилија Арсов, во областа на лозарството, освоено 2. место.
Споделување на знаење, презентирање на научни трудови, игри, забава и тимска организација на групата студенти на Земјоделски факултет кои успешно се претставија и ги промовираа Факултетот и Универзитетот.
Во генералниот пласман, од вкупно 11 факултети кои се натпреваруваа, нашите студенти со учеството во сите дисциплини го освоија високото 4. место.
Браво за успесите на нашите студенти! Вие сте наша гордост и наша најголема промоција!
