Во периодот од 1 до 25 април 2025 г., во рамките на CEEPUS мрежата: M-SK-1516-05-2425 - BioScience, Food and Health, проф. д-р Димитар Наков престојуваше на Универзитетот „Мендел“ во Брно, Факултет за земјоделски науки.

При посетата се оствари средба со продеканот на Факултетот, при што се разговараше за можностите за идна соработка. Проф. д-р Наков му беше гостин на проф. д-р Петр Слама од Одделот за морфологија, физиологија и генетика на животните. Пред колегиумот на Одделот, проф. д-р Наков ги презентираше студиските програми и лабораториските ресурси на Земјоделскиот факултет при Универзитет „Гоце Делчев“ во Штип, Северна Македонија. Согласно со Програмата за мобилност, проф. д-р Димитар Наков одржа предавања за студентите на теми од неговата потесна научна област поврзани со хигиената и безбедноста во синџирот на производство на млеко.

Голема благодарност до Националната CEEPUS канцеларија на Чешка при Чешката национална агенција за меѓународно образование и истражување за одобрената мобилност и можностите за идна соработка со колегите од Факултетот за земјоделски науки при Универзитетот „Мендел“ во Брно.