Во рамките на експерименталните активности Земјоделскиот факултет при Универзитетот „Гоце Делчев“ во Штип спроведува теренски истражувања на опитното поле во село Амзабегово.

Истражувањето се реализира на тема „Приносот и квалитетот на јачменот (Hordeum vulgare L.) во зависност од сортата и третманот со биостимулатори“, при што различни сорти на јачмен се третираат со селектирани биостимулатори, со цел да се утврди нивното влијание врз агрономските карактеристики на растението.

Биостимулаторите се аплицираат според строго утврден протокол, а добиените резултати ќе придонесат за подобро научно разбирање на потенцијалот за зголемување на приносот и подобрување на квалитетот на зрното кај различни сорти.

Земјоделскиот факултет продолжува со својата мисија за развој на современи и одржливи практики во земјоделското производство преку квалитетни теренски и лабораториски истражувања.