Под менторство на проф. д-р Даниела Тодевска, предметен наставник на група предмети од областа на градинарството и доц. д-р Биљана Атанасова, предметен наставник на група предмети од областа на заштита на растенијата, како и претставникот на компанијата „Агрис“, г. Стефан Трајков, дел од студентите од студиските програми Градинарство, Квалитет и безбедност на храна, Фитомедицина и Поледелство, на 8 април 2025 година ја посетија компанијата „Агрис“ во Република Грција.

„Агрис“ е водечка компанија со годишно  производство на расад од околу 100 милиони растенија од кои 30% е калемен расад. Компанијата го проширува своето влијание на пазарот со производство на семенски материјал од пченица и јачмен.

Студентите имаа можност да се запознаат со значењето на производство на квалитетен расад, технологија на калемење на расад, хидропонско одгледување и нови технолошки решенија кои се применуваат во заштитените простори.

Оваа посета е значајна за студентите од аспект на проширување на нивните знаења, согледувања и примена на технологиите за подобрување на агросекторот во нашата земја.

Имајќи предвид дека нашите студенти се директно поврзани со домашно производство, стекнатото теоретско знаење и практичното искуство од примената на современа методологија на производство може понатаму лесно да го применуваат за подобрување на своето производство.