Во периодот од 4 до 6 април 2025 г. се одржа Првата меѓународна научна агробизнис конференција „Агро мак 2025“ на која во свеченото отворање свое обраќање од Земјоделски факултет имаа претседателот на Научниот одбор проф. д-р Љупчо Михајлов, како и деканката проф. д-р Емилија Арсов.
Првата пленарна сесија (воведни предавања) на тема „Состојби, предизвици и перспективи за развој на органското производство во Македонија и регионот“ ја отвори и ја водеше проф. д-р Љупчо Михајлов.
Панелисти во сесијата беа:
- проф. д-р Фиданка Трајкова, Земјоделски факултет, Универзитет „Гоце Делчев“ – Штип;
- проф. д-р Тамара Јурина, Лабораторија МРА, Прехранбено биотехнолошки факултет, Универзитет во Загреб, Хрватска;
- проф. д-р Драго В. Цвијановиќ, Факултет за хотелиерство и туризам, Врњачка Бања, Универзитет во Крагуевац, Србија;
- д-р Сара Станиќ-Јовановиќ, научен соработник при Институтот за општествени науки, Белград, Србија;
- г. Фатон Нагавци, Здружение „Органика“, Приштина, Косово.
Беше реализиран и панел на тема Земјоделство и сточарство: „Силни страни и компаративни предности за развој на органското сточарство во регионот на Западен Балкан"
Панелот го отвори и го водеше проф. д-р Димитар Наков, а интерактивно во дискусијата учествуваа панелистите:
- проф. д-р Ацо Кузелов, Земјоделски факултет, УГД – Штип;
- г. Борис Дабевски, „Кораб Трница“, Скопје;
- г. Александар Ивановски, Сточарска фарма „Ивановски“, с. Мустафино, Св. Николе;
- г. Дарко Петковски, Компанија „Петковски“, Скопје.
Свое излагање во рамките на темата опфатена со панел-дискусијата имаше и магистранд Надица Бајрактарова, студентка на втор циклус студии на Катедрата за прехранбена технологија и преработка на анимални производи, на тема „Влијание на конвенционалното наспроти органското одгледување на свињи врз квалитетот на месото и масно киселинскиот состав“ (Aco Kuzelov, Nadica Bajraktarova, Dimitar Nakov Influence of organic versus convetional pig production on meat quality and fatty acid composition).
Вториот панел на тема „Принципи на интегрирана заштита на растенијата – практична примена во конвенционалните и органските фарми“ го отвори, презентираше и го водеше проф. д-р Емилија Арсов, а панелисти кои го споделија своето знаење и искуство во областа на заштитата на растенијата и практична примена на терен беа:
- проф. д-р Душан Спасов, Земјоделски факултет, УГД – Штип;
- Марио Петковски, дипл. инж. агроном, „АгФутура технологии“;
- доц. д-р Билјана Атанасова, Земјоделски факултет, УГД – Штип.
Авторскиот тим Daniela Pelivanoska-Dameska, Ljupco Mihajlov, Natalija Markova Ruzdik. Opportunities for cultivation of wild flax - Camelina sativa (l.) Crantz in the Prilep production region, својата презентација ја изложи во форма на постер.
Конференцијата придонесe за вмрежување, споделување на идеи, контакти и отворање нови можности за соработка.
