Во периодот од 17 до 21 март на Земјоделскиот факултет престојуваа двајца научни работници, д-р Зорница Петрова и д-р Мирослав Славов од Добруджански Земјоделскиот институт, Генерал Тошево, Р. Бугарија.
Станува збор за посета реализирана во рамките на ERASMUS програмата за мобилност.
За време на престојот се реализираа петдневни обуки во УНИЛАБ лабораторијата при Земјоделскиот факултет. Обуките беа систематизирани според претходно изготвен план за работа во одделите за контрола на семе и саден материјал, контрола на квалитет на храна, агрохемија и исхрана на растенијата, како и во Одделот заштита на растенијата.
Воедно, посетата обезбеди зајакнување на соработката помеѓу двете институции, како и развивање на нови идни научни идеи за соработка и размена на знаење.