Во опитниот центар „Уни-сервис агро“ на Земјоделскиот факултет, во с. Амзабегово, беше поставен експеримент како дел од активностите на постдипломските студии, со активно учество на студентите од додипломски и постдипломски студии.

Целта на експериментот е да се истражат улогата и влијанието на биостимулаторите врз приносот и морфолошките карактеристики на две македонски сорти на јачмен.

Студентите ќе бидат целосно вклучени во следењето и мерењето на различни параметри, обработката на податоци, како и во научната интерпретација на резултатите.

Овој проект претставува уникатна можност за стекнување практично искуство, развивање на аналитички вештини и продлабочување на знаењата за современите пристапи во земјоделството.

Дополнително, експериментот има потенцијал да придонесе кон унапредување на земјоделските практики и одржливото производство во регионот.

Земјоделскиот факултет продолжува посветено да вложува во своите студенти во стекнување на теоретски и практични лабораториски и теренски знаења.