Во рамките на заложбите за унапредување на животната средина и подигнување на свеста за екологијата, студентите на Универзитетот „Гоце Делчев“ – Штип, во соработка со Општина Штип, учествуваа во акција за пошумување и садење дрвја.

Оваа активност претставува симбол на заедништвото, одговорноста и грижата за природата. Преку ваквите акции, студентите не само што придонесуваат за поубава и поздрава средина за живеење, туку и практично ја демонстрираат својата посветеност на важни општествени и еколошки прашања.

Факултетот го поддржува ангажманот на студентите во вакви проекти, кои ја истакнуваат важноста на колективното дејствување за одржлив развој и обезбедуваат платформа за стекнување нови знаења и искуства.

Благодарение на нивниот труд, заеднички придонесуваме кон создавање зелени површини кои ќе им служат на идните генерации.