Во периодот од 5 до 7 септември 2024 год., проф. д-р Виолета Иванова-Петропулос, како дел од Core-групата и менаџерскиот тим на COST акцијата CA22161 Future of plant-based food: Bridging the gap of new proteins and FLAVOURsome, учествуваше на Првата работилница и Вториот координативен состанок на оваа акција.

Настанот се одржа на Факултетот за науки при Универзитетот во Порто, Португалија. Целта на настанот беше да се воспостават ефективни соработки помеѓу истражувачите и индустријата и да се поттикнат иновации во областа на вкусовите на храна од растително потекло, како и збогатување на храната со протеини од растително потекло. Во рамки на настанот беше организирана посета на локална винарска визба и дегустација на португалски вина произведени со специфична технологија типична за винскиот регион на Порто.

Сите заинтересирани студенти, професори и соработници може да се приклучат во работните групи на оваа COST акција, при што ќе имаат можност да аплицираат за различни грантови во рамки на акцијата.

Сите потребни информации во врска со акцијата може да се најдат на следниов линк: https://flavoursome.eu/