Во периодот од 6 до 9 мај 2024 година во Краков, Полска, се спроведе Обука за одржлива употреба на пестициди со фокус на интегрирано управување со штетници, Сесија 15 - овошни дрвја.
На обуката беа презентирани основните принципи на интегрираната заштита на растенијата – употреба на пестициди во случај кога само тоа е неопходно (појава на болести или штетници).
На обуката присуствуваа вкупно 25 учесници од земјите членки на ЕУ, вклучувајќи и претставници од Македонија и од Србија – земји-кандидати за членство во ЕУ.
Обуката се состоеше од презентации, работа во групи и теренска анализа.
Проф. д-р Емилија Арсов беше активен учесник во обуката и ги презентираше условите и начините на имплементација на IPM во нашата држава.
Теренската анализа беше спроведена на овоштарник со јаболка, каде што беше следен процесот на примена на IPM во одгледувањето на јаболката, пласман на истата, како и преработка и производство на 100% сок од јаболка.
Производство на здрава храна значи здрав начин на живот. Намалената употреба на пестициди во процесот на заштита на растенијата е важен фактор за здрав и квалитетен плод без штетни ефекти по здравјето на човекот.
