На 29 и 30 ноември, во Ресен, во соработка со Федерацијата на фармерите на Република Македонија, Земјоделскиот факултет спроведе работилници на тема „Економски алтернативи за земјоделците во Преспа“.

Целта е да се претстават други можности за остварување приходи кај земјоделските семејства, со намера за создавање дополнителни извори на приходи и избегнување на опасноста од губење на секаков извор на приходи до кои може да дојде при монокултурно производство (какво што е производството на јаболка), особено ако временските услови придонесуваат за такви појави.

Во рамките на двата дена беа претставени повеќе теми, меѓу кои „Правилна берба и култивирање на лековити растенија“, „Технологија за сушење на лековити растенија“ и „Автохтони сорти јаболка и начини на производство на јаболков оцет“.