Во рамки на новата CEEPUS мрежа RS-1816-01-2324 Reinforcement of research, professional and education capacities for application in sample preparation of various origins before the corresponding analysis, во која е  вклучен Земјоделскиот факултет, проф. д-р Виолета Иванова-Петропулос, која воедно е и локален координатор за Универзитетот „Гоце Делчев“ - Штип, реализираше посета на Југозападен универзитет „Неофит Рилски“ - Факултет за природни науки, Оддел за хемија, во Благоевград, Бугарија, во периодот од 3.10.2023 до 7.10.2023 година.

За време на посетата, проф. д-р Иванова-Петропулос одржа предавања на студенти од втора и четврта година и оствари средби со професори од факултетот, како и со заменик-ректорот проф. д-р Иванка Станкова, на кои се разговараше за понатамошни посети и научноистражувачки соработки во рамки на мрежата, но и на други меѓународни проекти.