Во рамките на меѓууниверзитетската соработка помеѓу Универзитетот „Гоце Делчев“ - Штип и Универзитетот „Св. Климент Охридски“ - Битола, потпишан е Договор за соработка меѓу две факултетски единици, Земјоделски факултет при УГД и Факултет за биотехнички науки при УКЛО.

На заедничка средба, деканките на факултетите - проф. д-р Емилија Арсов и проф. д-р Гордана Димитровска отворија можности за соработка во рамките на факултетите за размена на наставнички кадар во одржување на стручни предавања, студентски вмрежувања во изведување на практична настава и заеднички студентски конференции, како и апликација на проектни идеи.

Само со заедничка работа и тимски идеи можеме да создадеме квалитетни млади генерации, на кои ќе им вродиме желба и љубов сами да создаваат и да ги развиваат своите идеи на нашата територија, исполнета со природни убавини и многу сончеви и топли денови.

Посакуваме идна успешна и плодна соработка.