Лабораторијата УНИЛАБ на Земјоделски факултет од 6 март 2023 г. повторно е институција домаќин и прв избор на студентите од Хемиското училиште во Пардубице, Република Чешка, во рамките на ЕРАЗМУС договорот за соработка. Како резултат на одличните резултати и препораки што ги има лабораторијата од страна на студентите од Чешка, продолжува изборот на Лабораторијата УНИЛАБ за пракса на студентите, сега за периодот од март до јуни.

Група од четири студенти се на практична настава во Лабораторијата УНИЛАБ, во периодот од 6 март до 4 јуни 2023 г.
Благодарение на тимската работа и одличната соработка на вработените во УНИЛАБ, студентите изведуваат практична лабораториска работа и директно се ангажирани во изведување на лабораториски анализи во Лабораторија УНИЛАБ.
Воедно, студентите од Чешка се вмрежуваат и заедно изведуваат лабораториски вежби со студентите на Земјоделски факултет и се вклучени во сите тековни активности на факултетот.

#ЗемјоделскиФакултет #УниверзитетГоцеДелчевШтип