Во рамки на задолжителната практична настава за студентите на трета година на Земјоделскиот факултет при Универзитетот „Гоце Делчев“ во Штип, на ден 16 декември 2022 година беше реализирана посета на МИК - Свети Николе и краварска фарма БОНИЕР, с. Ерџелија, Свети Николе.
Целта на овој практичен ден беше запознавање на студентите со еден дел од сточарското производство и преработката на месо и производи од месо.
Покрај теоретската настава, студентите посетуваат и практични денови во текот на неделата со цел да можат полесно да ги совладаат материјалот и да се стекнат со практично знаење и искуство.
