На ден 13 декември 2022 година, дел од студентите од трета година насока Растителна Биотехнологија и четврта година насока Градинарство, реализираа посета на компанијата АГРИС во Грција.
АГРИС е компанија која е основана во 1983 година и е експерт во унапредувањето на хортикултурата, преку производство на професионален расад од сертифициран семенски материјал. Посетата на студентите на овој капацитет беше во насока да се запознаат со работата на компанијата, примената на новите технологии, производството на расад од сеидба до пласман, одредување на квалитетот на семенскиот материјал и калемењето на расадот.
Посетата беше реализирана благодарение на г-дин Стефан Трајков, регионален менаџер во АГРИС и предметниот професор по Градинарство и Производство на расад, проф. д-р Даниела Тодевска.
