Проф. д-р Виолета Иванова Петропулос од Земјоделски факултет, Универзитет „Гоце Делчев“ – Штип, учествуваше на централниот настан на четвртото издание на „Светскиот ден на Вранец“, со свое научно предавање со наслов: „Ароматичен и полифенолен профил на вино од сортата Вранец“.
Настанот, посветен на промовирање на винската сорта на грозје Вранец, како најзастапена и најзначајна сорта во Македонија, се одржа на 5 Октомври, во М6 Едукативниот центар во Скопје, во организација на Здружението „Вина од Македонија“.
