Земјоделскиот факултет и УНИЛАБ лабораторијата во периодот на од 29 септември до 01 октомври 2022 г., беа учесници на „Петата меѓународната конференција за квалитет и компетентност”, во организација на Македонското здружение на лаборатории и инспекциски тела МАКЛАБ и Институтот за Aкредитација на Република Северна Македонија, ИАСРМ.

Примарни тематски единици на конференцијата беа: национална и европска законска рамка за обезбедување на квалитет и промовирање на акредитацијата како потврда на квалитетот; основни принципи и развојни трендови во лабораториите за тестирање, калибрација и инспекциски тела, колку и како ги користиме модерните технологии; тестирање и контрола во животната средина, индустрија и земјоделство; улога на лабораториите во развојот на стопанството. Лабораторијата УНИЛАБ, од 2012 година е сертифицирана за работа согласно  стандардот МКС EN ISO/IEC 17025:2018, и континуирано го докажува и унапредува високиот квалитет на лабораториски активности и услуги. На овој начин УНИЛАБ при Земјоделскиот факултет, станува препознатлив систем за квалитет на национално и регионално ниво.  На конференцијата УНИЛАБ активно се претстави со научен труд насловен: „Extraction of critical success factors (CSFs) that effect the implementation of ISO/IEC 17025 standard in UNILAB”.