Во изминатите петнаесет години образовните, научноистражувачките и апликативните активности на Земјоделски факултет при Универзитет „Гоце Делчев“ - Штип дадоа голем придонес за развој на земјоделскиот сектор во Република Северна Македонија и поширокиот регион.
Земјоделскиот факултет го организира III Mеѓународно научно-стручно советување „Агронаука и пракса“ (АНП 2023), давајќи им можност на учесниците да презентираат и дискутираат оригинални научни и практични резултати во различни полиња на земјоделството.
III Меѓународно научно-стручно советување „Агронаука и пракса“ (АНП 2023) е организирано со намера да ги обедини сите релевантни фактори од земјоделскиот сектор за споделување на нивното знаење, искуство и проблеми. Една од главните цели е да се направи мост и да се овозможи силна комуникација помеѓу научноистражувачката и практичната работа во земјоделскиот сектор, како во нашата земјата, така и пошироко, со што ќе се добие меѓународна димензија. Главна цел на Советувањето е да се поврзат и промовираат научните достигнувања и практичните знаења во дадените тематски области.
Второто соопштение содржи корисни информации за секциите, важните датуми, котизацијата, местото на одржување и прелиминарна програма на Советувањето:
*Крајниот рок за поднесување апстракти е продолжен до 31 март 2023
Со голема чест и задоволство Ве покануваме активно да учествувате во Советувањето.