Во рамки на CEEPUS мрежата „Reinforcement of research, professional, and education capacities for application in sample preparation of various origins before the corresponding analysis“, Елена Богева, студентка на трет циклус студии по енологија на Земјоделски факултет, реализираше студиски престој на Одделот за вода, атмосфера и животна средина на BOKU – Универзитет за природни ресурси и науки за животот во Виена, Австрија, во периодот од 1 до 12 април година.

За време на истражувачкиот престој во Виена, Елена Богева работеше на испитување на макроелементи и микроелементи во изворска вода која се применува за наводнување на лозови насади, со примена на индуктивно спрегната плазма со масена спектрометрија (ICP-MS), истражувања кои се дел од нејзиниот докторски труд.