Во рамките на CEEPUS мрежата „Teaching and Learning Bioanalysis", проф. д-р Виолета Иванова-Петропулос, редовен професор на Земјоделски факултет и локален координатор на CEEPUS за УГД, реализираше научен престој на Бугарската академија на науките во Софија, Бугарија, во периодот од 2.2.2023 до 7.2.2023.
За време на престојот проф. Иванова-Петропулос одржа предавање за студентите на втор и трет циклус студии и ги посети на лабораториите на Академијата, со посебен осврт на инструменталните анализи и техники, вклучувајќи скенирачки микроскоп и nano-LC-MS.
Договорени се понатамошни активности за научна работа и научноистражувачки проекти меѓу Универзитет „Гоце Делчев“ - Штип и Бугарската академија на науките во Софија.