Во рамки на новата CEEPUS мрежа RS-1816-01-2324 Reinforcement of research, professional and education capacities for application in sample preparation of various origins before the corresponding analysis, во која е  вклучен Земјоделскиот факултет, проф. д-р Виолета Иванова-Петропулос, која воедно е и локален координатор за Универзитетот „Гоце Делчев“ - Штип, реализираше посета на Југозападен универзитет „Неофит Рилски“ - Факултет за природни науки, Оддел за хемија, во Благоевград, Бугарија, во периодот од 3.10.2023 до 7.10.2023 година.

Главна цел на вмрежување на научните работници во рамки на COST Акцијата: CA22112 - European Network on Livestock Phenomics (EU-LI-PHE) ќе биде мултидисциплинарен пристап кон одржливо сточарско производство преку воведување на фенотипски податоци во одгледувачките програми.

Во периодот од 18 до 20 септември 2023 година на Земјоделски факултет при Универзитет во Нови Сад, Република Србија, се одржа Меѓународниот симпозиум за сточарство (ISAS 2023). На Симпозиумот учествуваа научни работници од 20 земји од регионот и пошироко. Во рамки на Симпозиумот се одржаа пленарни предавања на актуелни теми поврзани со улогата на Европската организација за животни (ЕААП) во поддршката на сточарското производство, употребата на инфрацрвената спектроскопија во подобрување на здравјето на молзните крави, воведување на геномската селекција во одгледувачките програми во сточарството, позитивен и негативен концепт во благосостојбата на животните, употреба на адитиви во исхраната на преживните животни.

Октомври, нов месец, нов почеток, нова академска година. Почеток на испишување на нова академска приказна со генерација 2023/2024 г.
Средба, свечено обраќање, запознавање, мотивација и споделување на убави зборови кои ќе бидат мисла водилка на почетокот на патот на вашите успеси.

Деновиве повторно се актуализира прашањето со појавата на болеста африканска чума кај свињите на територијата на Република Северна Македонија. Ново жариште на болеста е една од најголемите фарми за производство на свињи во околината на Штип, која задоволува 20% од потребите за свинско месо на пазарите ширум државата.

Во рамките на меѓууниверзитетската соработка помеѓу Универзитетот „Гоце Делчев“ - Штип и Универзитетот „Св. Климент Охридски“ - Битола, потпишан е Договор за соработка меѓу две факултетски единици, Земјоделски факултет при УГД и Факултет за биотехнички науки при УКЛО.