Име и презиме: Сашо Арсов

Факултет и студиска насока: Земјоделски факултет, Растителна биотехнологија, дипломиран инженер по растителна биотехнологија.

Тековна професија: Втор циклус студии, Биотехнички факултет при Универзитетот во Љубљана.

Животно мото: Држете се до рутината и работите ќе дојдат на свое место.

Место на вработување: „Новартис“ – Словенија, фармацевтска индустрија.

Мојот рецепт за успех се состои од: Работа и посветеност

Најголеми предизвици на патот до успехот ми беа: Приспособувањето на средината, константната потреба од докажување на моите способности и барањето на работа.

Со УГД се дружев: 4 години исполнети со многу знаење, практична настава, лабораториска работа, а целиот вложен труд УГД знае да го препознае и да ги награди најдобрите студенти, на чија листа сум и јас, награден најдобар студент на Земјоделски факултет.

Факултетот и насоката ги избрав затоа што: Отсекогаш ме интересирале природните науки, особено биологијата, генетиката и растенијата. Со изборот на оваа студиска програма успеав да ги разберам молекуларните процеси на ниво на клетка.

Како клучна предност на студиите на УГД ги издвојувам: Целосната дигитализација на студирањето и посветеноста на професорите, кои секогаш им стојат на располагање на студентите.

Праксата на УГД, како составен дел од студиите, ја остварив на: Земјоделскиот институт – Скопје, Опитна станица Кочани; Лабораторија УНИЛАБ; МКД витро; ИРИБОВ СБВ.

Од студиите на УГД за развој на успешна кариера најмногу ми помогна:

Би ја издвоил мојата менторка проф. д-р Фиданка Трајкова, која ме вклучи во меѓународни проекти и други работни ангажмани и несебично го споделува своето знаење и искуство.

Совет за младите како идни студенти: Не се откажувајте дури и кога работите не одат најдобро.