Проф. д-р Сања Костадиновиќ-Величковска и проф. д-р Билјана Ковачевиќ учествуваа во меѓународна конференција Трета конференција за медицински и самоникнати лековити билки во прехрана (Third conference about medicinal and wild-growing edible plants), одржана во Пирот, Република Србија, од 26 до 28 јуни 2025 година.

Проф. д-р Сања Костадиновиќ-Величковска е член на Научен одбор на оваа конференција и учествуваше со научен труд, усна и постер-презентација. Усната презентација беше во соработка со проф. д-р Биљана Бауер од Фармацевтски факултет во Скопје со наслов „Употребата на лековитите растенија низ историјата“, додека постер-презентацијата и трудот објавен во интернационалното списание „Етноботаника“ е насловен „Дивите малини од Република Северна Македонија како вреден извор за лековити оцети“.

Проф. д-р Биљана Ковачевиќ учествуваше со постер-презентација со наслов „Потенцијалот на есенцијални масла од лековити растенија како нова генерација на пестициди во земјоделието“.