Во рамки на COST акцијата CA22161 - Future of plant-based food: Bridging the gap of new proteins and FLAVOURsome, проф. д-р Виолета Иванова-Петропулос учествуваше на две работилници.
Првата работилница (Satellite meeting) се одржа во склоп на 7. Интернационална конференција за сензорна анализа на храна во Валенсија, Шпанија, во периодот од 13 до 16 мај 2025 година, каде што проф. д-р Иванова-Петропулос учествуваше со предавање на тема „Состав на ароми и масни киселини во растителни масла“.
Втората работилница со наслов „Ферментации“ се одржа во периодот од 3 до 6 јуни 2025 г. во Брисел, Белгија, на која беа презентирани иновации и најнови можности при ферментацијата на различни растителни производи и развој на различни вкусови.
Во периодот од 15 до 21 јуни 2025 година, проф. д-р Иванова-Петропулос реализираше студиски престој на Универзитетот во Грац, Институт за фармацевтски науки во Грац, како и на Универзитетот за технологија во Грац, Австрија. Престојот беше реализиран во рамки на CEEPUS мрежата Teaching and Learning Bioanalysis. За време на престојот, проф. д-р Иванова-Петропулос имаше предавање на тема „Теоретски принципи и апликации со примена на HPLC-DAD и LC-MS/MS”, а спроведе и хроматографски анализи за определување на ароматен профил во неколку примероци македонски бели вина.
