Во периодот од 26 до 29 мај 2025 година, докторанд м-р Александар Пиперевски учествуваше на 14. Интернационален симпозиум за земјоделски науки „АгроРес 2025“ (XIV INTERNATIONAL SYMPOSIUM ON AGRICULTURAL SCIENCES) во Требиње, Босна и Херцеговина.

Учеството беше претставено со усна презентација на тема „Physicochemical Evidence of Soil Quality from the Southeastern Part of the Ovče Pole Vine District“ од авторскиот тим Александар Пиперевски и Биљана Балабанова.

Докторанд м-р Пиперевски минатата година на Симпозиумот доби награда за најдобра презентација од студент на трет циклус студии и оваа година учеството беше покриено од страна на организаторите. 

Учеството на Симпозиумот претставуваше одлична можност за размена на знаења и искуство во областа на земјоделските науки, можности за отворена соработка и секако претставување на Факултетот и на Универзитетот.

https://agrores.agro.unibl.org/