Наставен кадар

Добредојдовте помеѓу наставничкиот и соработничкиот кадар на Земјоделскиот факултет. Професорите и соработниците на Земјоделски факултет континуирано градат и одржуваат близок и пријателски однос со студентите врз основа на заслужен авторитет.

Воедно, нашите професори ставаат силен акцент и на научноистражувачката и апликативната работа и се активно ангажирани на повеќе нивоа, како:

• истражувачи во различни области на земјоделските науки, со можност за вклучување на најдобрите студенти во научноистражувачката работа; 
• членови на советодавни одбори на разни организации; 
• членови на многу работни тела и комисии на Факултетот и на Универзитетот;
• членови на научни и организациски одбори на реномирани меѓународни научни списанија; 
• членови на Одборот за акредитација на високото образование;
• членови на комисии во Министерството за земјоделство, шумарство и водостопанство;  
• лица на раководни позиции во рамките на Универзитетот „Гоце Делчев“ ‒ Штип.

Земјоделскиот факултет активно придонесува кон заедницата преку проекти поврзани со општествена одговорност, со цел да се унапреди локалното земјоделство, еколошката свест и животниот стандард. Преку овие активности, Факултетот ја покажува својата улога не само како образовна институција, туку и како партнер на заедницата.

Земјоделскиот факултет континуирано организира:

1. Работилници за е-едукација на земјоделци за одржливи практики, правилна употреба на ѓубрива и заштита на почвата;
2. Работа со  средни училишта на подигање на еколошката свест кај младите;
3. Инклузивни активности и работилници  за поддршка на мали земјоделци, жени и млади претприемачи во рурални средини.