Колегите во текот на својот престој имаа можност да се запознаат со наставничкиот кадар од блиска или сродна област од факултетот и да разменат идеи и можности за идна заедничка соработка. Во рамките на посетата, проф. Балаж одржа предавања пред студентите, на почеток со претставување на факултетот и земјата од каде што доаѓа, а во стручниот дел од предавањата беа опфатени неколку најпроучувани видови на птици кои живеат на планинските предели на Словачка. Дел од истражуваните птици ги има, живеат и опстојуваат и во нашите предели.
Во текот на посетата, колегите Балаж и Мако имаа можност да ги посетат лабораториските капацитети на УНИЛАБ лабораторијата.
Секоја посета во рамките на Еразмус мобилноста претставува одлична можност за вмрежување и понатамошни заеднички проектни апликации.
