Посетата на министерот е од големо значење за двете институции од аспект на развојот на образованието, науката и практичната примена во земјоделството.
На заедничкиот состанок се отворија можности за заеднички проекти, истражувања и подобрување на научноистражувачката инфраструктура.
Министерот г. Трипуновски заедно со колегите од Земјоделски факултет и проректорот за инвестиции и развој на Универзитетот „Гоце Делчев“ – Штип, проф. д-р Дарко Лазаров, имаше можност да го посети и детално се запознае со капацитетите и можностите на научноистражувачкиот центар – УНИЛАБ лабораторијата на Земјоделски факултет.
Факултетите се центри на знаење, извонредност и иновации. Сo посетата на министерот се поттикнува примена на нови методи и технологии на лабораториска работа за покривање на земјоделските производители со лабораториски анализи за контролирано и модерно земјоделството.
Министерот преку директни информации од професори ги согледува предизвиците во образованието, потребите на земјоделскиот сектор, како и креирање стратегии за поттикнување на младите за студирање на земјоделските науки.
Посетата на министерот не е само формалност, туку важен чекор кон подобра координација меѓу образованието и државните институции, што директно влијае на напредокот на земјоделството и економијата.
Благодарност до министерот за посетата и посакуваме успешна реализација на нашите заеднички цели и идеи.
