Во рамки на CEEPUS мрежата BioScience, Food and Health за мобилност на студенти и наставнички кадар, проф. д-р Виолета Иванова-Петропулос од Земјоделски факултет и м-р Елена Богева, студент на трет циклус студии на Земјоделски факултет, реализираа студиски престој на Биотехнички факултет на Универзитетот на Црна Гора во Подгорица, во период од 15 до 21 мај 2023 г. За време на престојот, проф.

Во периодот од 8 до 12 мај Земјоделскиот факултет беше домаќин на професори од Институтот по земјоделие во Карнобат, во рамките на „Еразмус плус“ програмата.
Проф. д-р Драгомир Влчев и проф. д-р Дарина Влчева од Институтот по земјоделие во Карнобат во рамките на „Еразмус плус“ програмата имаа предавања пред студентите. Освен наставните активности, професорите направија и теренска посета на неколку површини под житни култури.

Во изминатите три дена, од 10 до 12 мај, Земјоделскиот факултет беше локален партнер на Улис Годер (Ulysse Gaudaré) и на неговиот проект „Училиштето на Одисеј“ (École L'Odyssée). Улис е доктор на земјоделски науки и патува со велосипед од Бордо, Франција, до Истанбул, Турција. На ова патување долго 9000 километри тој посетува фарми, за да направи интервју со земјоделците за климатските промени и како тие влијаат врз нивното земјоделско производство.

Универзитет „Гоце Делчев“ – Штип, Земјоделски факултет, има потреба да ангажира едно лице консултант од областа на економија, агроекономија и менаџмент, како соработник во реализирањето на проектот „CARBONICA (101087233), CARBON INITIATIVE FOR CLIMATE-RESILIENT AGRICULTURE“. Проектот е финансиран од програмата HORIZON-CSA (HORIZON-WIDERA-2022-ACCESS-04-01 и ќе трае до  31.12.2026 година.

По покана од проектниот тим на проектот „Градење на еко-системски капацитети базирани во функција на намалување на ризикот од природни непогоди преку одржливо менаџирање на шумите во Северна Македонија“ („Project on Capacity Building for Ecosystem based Disaster Risk Reduction through Sustainable Forest Management in North Macedonia (Eco-DRR)”), проф. д-р Љупчо Михајлов од Катедрата за растително производство на Земјоделскиот факултет при УГД – Штип, на ден 15.5.2023 година во општинската сала на Општина Свети Николе одржа предавање по повик на тема: „Објаснување на ефектот на ветрозаштитните шумски појаси врз земјоделското земјиште“ („Explanation of the effect of windbreaks on farmland“)

Во периодот од 19.4.2023 до 20.4.2023 година тим од Универзитетот „Гоце Делчев“ во Штип составен од членовите: проф. д-р Верица Илиева, проф. д-р Саша Митрев и проф. д-р Биљана Балабанова го претставија проектот „Карбоника“ на Третото меѓународно научно-стручно советување „Агронаука и пракса“.