Земјоделскиот факултет во рамките на ЕРАЗМУС програма е домаќин на двајца студенти од Универзитетот во Пожега, Хрватска.

Студентите својот престој за пракса го реализираат со посета на УНИЛАБ лабораторијата при Земјоделскиот факултет, но од денес  и во текот на наредната недела ќе остварат практична настава односно работа во Винаријата „Имако“ од Штип.

Голема благодарност до Атанас Рунчев и до вработените во винаријата, за гостопримството и за можноста во моментот студентите од Пожега, Хрватска да бидат директно вклучени во процесот на производство на вино, лабораториско тестирање и дегустација, се со цел да направат една споредба на образованието и праксата во Хрватска и кај нас.

Следен чекор на соработка помеѓу овие две институции ќе биде склучување на договор за практична настава на студентите помеѓу Земјоделскиот факултет и винаријата „Имако“, како и отварање можности за нови идеи и заедничка плодна соработка.