Со започнувањето на новата академска година започнaa и предвидените теренски активности за студентите на Земјоделски факултет.
Планираните теренски активности според студиската програма се реализираат во зависност и од временските услови, а тековно ќе се планираат и реализираат активности и посети на отворени денови на полето надвор од Македонија.
Студентите на Земјоделски факултет од Наставен центар Прилеп, на студиска програма Фитомедицина, имаа можност на површини под пиперка на отворено да ги дијагностицираат најчестите проблеми кои доведуваат до намалување на приносот на пиперката, како и да предложат мерки за заштита до производителите со кои директно на терен ги изложија проблемите со кои се соочуваат.
Практичната настава за студентите на Земјоделски факултет се реализира задолжително во рамките на различни предметни единици, со цел да се доближи праксата до студентите и полесно теоретското знаење да знаат како да го применуваат на терен.
